“Baku City Academy” xaricdə təhsil xidmətləri üzrə ixtisaslaşmış, lisenziyalı və peşəkar təhsil mərkəzidir. Təcrübəli mütəxəssislərdən ibarət komandamız 2017-ci ildən etibarən namizəd tələbələrin xaricdə təhsil planlarını reallaşdırmasına köməklik göstərir.

Xaricdə təhsil üzrə məsləhətçi ekspertlərimiz British Council, ICEF və s. beynəlxalq təşkilatlar tərəfindən “İxtisaslı Təhsil Agenti” sertifikatına sahibdirlər.

Baku City Academy Böyük Britaniyanın nüfuzlu foundation məktəbi olan NCC Education-ın Azərbaycandakı rəsmi tərəfdaşıdır. Əməkdaşlığımız sayəsində şagirdlər artıq 10 və ya 11-ci sinifdən etibarən proqramımıza qoşularaq, 11-ci sinfi bitirdikdən dərhal sonra foundation diplomu əldə edə bilirlər. BCA tərəfindən təklif olunan foundation proqramını bitirən tələbələr 12-ci sinifə ehtiyac olmadan dünyanın bir çox TOP universitetlərində birbaşa bakalavr pilləsində oxumaq şansı əldə edirlər.

Bu illər ərzində 1 000-dən çox tələbəyə müxtəlif ölkələrdə yerləşən nüfuzlu universitetlərə qəbul prosesində və təqaüd imkanlarından yararlanmasında peşəkar dəstək göstərmişik.

Bu uğurlar arasında xüsusi olaraq qeyd etmək istərdik ki, 110 tələbəmiz dünyanın nüfuzlu beynəlxalq reytinq cədvəllərində TOP 10-da yer alan University of Oxford, University of Cambridge, Columbia University, University of Pennsylvania, University of California, Berkeley, Imperial College London, University College London, University of Chicago kimi universitetlərdən qəbul alıb.

Bununla yanaşı, 250-dən çox tələbəmiz Azərbaycan Dövlət Təqaüd Proqramı çərçivəsində uğurlu nəticələr əldə edərək, tam maliyyələşdirilən təqaüdə layiq görülüblər. Belə ki, təqaüd çərçivəsində onların təhsil haqqı, yaşayış, viza, sığorta və bilet xərcləri qarşılanır.

Bizim yanaşmamızda əsas məqsəd yalnız universitetə qəbul deyil, tələbə üçün doğru təhsil yolunun seçilməsidir. Hər bir tələbənin maraqlarını, gözləntilərini və gələcək planlarını nəzərə alaraq, onun üçün uyğun imkanları müəyyənləşdirməyə və bu prosesdə düzgün istiqamət verməyə çalışırıq.